Danmörk
Ísland
Noregur
Finnland
Svíþjóð
Valmynd

Býrð þú í Finnlandi og vinnur um borð í skipi sem er skráð í öðru norrænu landi og sem siglir á alþjóðaleiðum?

Þessar upplýsingar eru ætlaðar þér sem býrð í Finnlandi og vinnur um borð í skipi sem er skráð í öðru norrænu landi og sem siglir á alþjóðaleiðum. Hér er eingöngu fjallað um skattlagningu af launum fyrir slíkt starf.

Alþjóðaleiðir

Með hugtakinu á alþjóðaleiðum er átt við alla skipaflutninga nema þegar skipið er eingöngu í siglingum milli staða í einu norrænu landi.

Skattlagning í öðru norrænu landi

Þú ert skattskyldur í því norræna landi sem skipið er skráð í.

Ef þú vinnur um borð í skipi sem er leigt út á án áhafnar þ.e. á svokölluðum „bareboat bases" af útgerð í öðru norrænu landi, ert þú skattskyldur í því landi sem útgerðin er skráð í.

Skattlagning í Finnlandi

Þú telur erlendar tekjur og skatta greidda erlendis fram á eyðublaði 16A eða á MyTax. Til þess að fá sjómannafrádrátt þá er mikilvægt að merkja í reitin: Tekjur eru sjómannstekjur vegna starfa um borð í erlendu skipi. Ekki þarf að taka fram kostnað sem tengist tekjum af sjómennsku (t.d. félagsgjöld til stéttarfélaga eða ferðakostnað) þar sem hann er reiknaður með í sjómannafrádrættinum sem veittur er vegna starfa þinna.

Almenna reglan er sú að ekki er hægt að nota undanþágu frá greiðslu skatts sem heimilast samkvæmt sexmánaðareglu tekjuskattsins í tilvikum sem þessum, en það felur það í sér að tekjur þínar eru skattlagðar sem tekjur af sjómennsku um borð í finnsku skipi. Hafi tekjurnar verið skattlagðar í öðru norrænu landi, getur þú óskað eftir frádrætti í Finnlandi sem nemur þeim skatti sem þú greiddir af tekjunum í hinu norræna landinu. Frádrátturinn getur aldrei orðið hærri en sem nemur finnskum skatti af sjómannstekjum þínum.

Til þess að hægt sé að nota sexmánaðarregluna, þarft þú m.a. að dvelja í Finnlandi lengur en að meðaltali sex daga í þeim mánuði sem þú starfar erlendis. Jafnvel hluti úr degi reiknast sem dvöl í Finnlandi. Með dvöl í Finnlandi er einnig átt við þann tíma þegar verið er að hlaða eða afhlaða skipið í finnskri höfn. Ef þú ætlar að krefjast sexmánaðarreglunnar, þarft þú að gera grein fyrir vinnutíma þínum ásamt komu og brottfarardögum í Finnlandi á eyðublaði 16A eða á MyTax.

Upplýsingar um skattlagningu tekna af vinnu um borð í skipi á norsku eða dönsku landgrunni finnur þú undir fyrirsögninni „Býrð þú í Finnlandi og vinnur á dönsku eða norsku landgrunni?".

Almannatryggingar

Það eru í gildi sérstakar reglur sem segja til um hvar þú átt að vera tryggður. Þú þarft að hafa samband við Pensionsskyddscentralen í Finnlandi (PSC/ETK, www.etk.fi) eða Tryggingastofnun í skráningarlandi skipsins til að fá nánari upplýsingar.

Veldu hitt landi hr:   Danmörk | Ísland | Noregur | Svíþjóð
Valmynd
 
All the countries logos